ഉടുന്പന്നൂര്‍: ബൈക്ക് കാറില്‍ ഇടിച്ച്‌ യുവാവിനു പരിക്കേറ്റു. ഇന്നലെ വൈകുന്നേരം അഞ്ചോടെ ഉടുന്പന്നൂര്‍ ടൗണിലാണ് അപകടം.
അമയപ്ര സ്വദേശി പനച്ചിക്കല്‍ മാഹിൻ ഷെരീഫിനാണ് സാരമായി പരിക്കേറ്റത്. ഇയാളെ തൊടുപുഴയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ബൈക്ക് ഓടിച്ച കിഴക്കുംപാടം സ്വദേശി അനന്തു നിസാര പരിക്കുകളോടെ രക്ഷപ്പെട്ടു. തൊടുപുഴ ഭാഗത്തുനിന്നു വന്ന ബൈക്ക് എതിരേ വന്ന കാറില്‍ ഇടിച്ച ശേഷം തെറിച്ച്‌ സമീപത്ത് ടയര്‍ മാറ്റിക്കൊണ്ടിരുന്ന മറ്റൊരു കാറിന്‍റെ അടിയിലേക്ക് വീഴുകയായിരുന്നു. ഈ കാര്‍ പിന്നോട്ട് ഉരുണ്ടെങ്കിലും കൂടുതല്‍ അപകടം ഉണ്ടായില്ല.