തൃശ്ശൂർ കൊരട്ടി നിയന്ത്രണംവിട്ട ഓട്ടോറിക്ഷ മതിലും ഗേറ്റും തകര്‍ത്തു; ഓട്ടോറിക്ഷയില്‍ സഞ്ചരിച്ച മൂന്നുപേര്‍ക്കും പരിക്കേറ്റു.
സാരമായി പരിക്കേറ്റ കൊരട്ടി സ്വദേശികളായ പറോക്കാരൻ സാന്‍റോ ജോസ് (20), മാളിയേക്കല്‍ ജോയല്‍ ആന്‍റോ (22) എന്നിവരെ ചാലക്കുടിയിലെ സ്വകാര്യ ആശുപത്രിയിലും കാഞ്ഞിരത്തിങ്കല്‍ അനില്‍ ജോണി (22)യെ കറുകുറ്റിയിലെ സ്വകാര്യ ആശുപത്രിയിലും പ്രവേശിപ്പിച്ചു. തലയ്ക്കും കാലിനും പരിക്കേറ്റിട്ടുണ്ട്.
ഇന്നലെ രാവിലെ ആറേകാലോടെയായിരുന്നു സംഭവം. കൊരട്ടി - പുളിക്കക്കടവ് റോഡില്‍ പുളിഞ്ചോട് സ്റ്റോപ്പിനു സമീപമുള്ള ചാഴൂര്‍ തോമസിന്‍റെ വീട്ടുമതിലും ഗേറ്റും ഇടിച്ചു തകര്‍ത്താണ് ഓട്ടോറിക്ഷ നിന്നത്.