പത്തനംതിട്ട പ്രമാടം : അമിത വേഗത്തിലെത്തിയ പിക് അപ് വാൻ, ബൈക്ക് യാത്രക്കാരനായ യുവാവിനെ ഇടിച്ചുതെറിപ്പിച്ച ശേഷം നേതാജി ഹയര്‍ സെക്കൻഡറി സ്കൂളിന്റെ മതില്‍ ഇടിച്ചുതകര്‍ത്തു.
ബൈക്ക് യാത്രക്കാരനായ പ്രമാടം കിടങ്ങില്‍ സുമേഷിനെ ഗുരുതര പരിക്കുകളോടെ പത്തനംതിട്ട ജനറല്‍ ആശുപത്രിയില്‍ പ്രവേശിപ്പിച്ചു. ഇന്നലെ രാവിലെ പതിനൊന്നോടെയാണ് അപകടം. പത്തനംതിട്ട ഭാഗത്ത് നിന്ന് എത്തിയ പിക് അപ് സ്കൂള്‍ ജംഗ്ഷനില്‍ നിന്ന് പൂങ്കാവ് റോഡിലേക്ക് വീശിയെടുക്കുന്നതിനിടെയായിരുന്നു അപകടമെന്ന് ദൃക് സാക്ഷികള്‍ പറഞ്ഞു. നാട്ടുകാര്‍ ഓടിക്കൂടിയപ്പോഴേക്കും വാഹനം ഉപേക്ഷിച്ച്‌ ഡ്രൈവര്‍ ഓടി രക്ഷപ്പെട്ടു. മൂന്ന് സ്കൂളുകളിലെ വിദ്യാര്‍ത്ഥികള്‍ രാവിലെയും വൈകിട്ടും വാഹനങ്ങള്‍ കാത്തുനില്‍ക്കാറുള്ള സ്ഥലത്തേക്കാണ് പിക് അപ് ഇടിച്ചുകയറി യത്. പത്തനംതിട്ട പൊലീസ് വാഹനം കസ്റ്റഡിയില്‍ എടുത്തു