ഇടുക്കി കുമളി: മോട്ടോര്‍ ബൈക്ക് കാറില്‍ ഇടിച്ച്‌ ബൈക്ക് യാത്രക്കാരന് ഗുരുതര പരിക്ക്. ഇന്നലെ ഉച്ചയ്ക്ക് പന്ത്രണ്ടരയോടെ കുമളി കുളത്തുപാലത്തായിരുന്നു സംഭവം.
പാലാ രാമപുരം സ്വദേശി മാൻസൻ ജേക്കബ്ബാണ് അപകടത്തില്‍പ്പെട്ടത്. അപകടത്തില്‍ തലയ്ക്ക് ഗുരുതമായി പരിക്കേറ്റ മാൻസനെ കട്ടപ്പനയിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഇദേഹത്തിന്റെ നില ഗുരുതരമായി തുടരുകയാണ്. കുമളിയില്‍ നിന്ന് മുരുക്കടിയിലെ കൃഷി സ്ഥലത്തേയ്ക്ക് പോകവേയാണ് അപകടമുണ്ടായത്. കുമളി കുളത്ത്പാലത്ത് കാര്‍ റോഡില്‍ വട്ടം തിരിച്ചപ്പോഴാണ് അപകടമുണ്ടായത്. മുരുക്കടിയില്‍ സ്വകാര്യ വ്യക്തിയുടെ ഏലത്തോട്ടത്തില്‍ ജോലിക്കാരനായ മാൻസൻ കൃഷി ആവശ്യത്തിനുള്ള സാധനങ്ങള്‍ വാങ്ങി മടങ്ങവേയാണ് റോഡരികില്‍ പാര്‍ക്ക് ചെയ്തിരുന്ന കാര്‍ റോഡില്‍ വട്ടം തിരിക്കാൻ ശ്രമിച്ചതും അപകട മുണ്ടായതും. സംഭവത്തില്‍ കുമളി പൊലീസ് കേസെടുത്തു