വടക്കാഞ്ചേരി: വ്യത്യസ്ത അപകടങ്ങളില്‍ ബൈക്ക് യാത്രികരായ മൂന്നുപേര്‍ക്കു പരിക്ക്. വടക്കാഞ്ചേരി ബസ് സ്റ്റാൻഡിനു സമീപം ബൈക്കിന് കുറുകെ നായചാടി വീണു പരുക്കേറ്റ പനങ്ങാട്ടുകര സ്വദേശികളായ മാളിയേക്കല്‍ വീട്ടില്‍ ജോണ്‍സൻ (55), ജിൻസി (53) എന്നിവരെയും ഓട്ടുപാറയില്‍ നിയന്ത്രണംവിട്ട ബൈക്ക് മറിഞ്ഞു പരിക്കേറ്റ ഷൊര്‍ണൂര്‍ സ്വദേശി മഹേഷി (24)നെയും വടക്കാഞ്ചേരി ആക്‌ട്സ് പ്രവര്‍ത്തകര്‍ ജില്ലാ ആശുപത്രിയില്‍ പ്രവേശിപ്പിച്ചു. വടക്കാഞ്ചേരിയില്‍ ഇന്നലെ പുലര്‍ച്ചെ 5.45 നും, ഓട്ടുപാറയില്‍ രാവിലെ 6.20നുമായിരുന്നു
അപകടം.