ആലപ്പുഴ മുഹമ്മ: മാരാരിക്കുളം തെക്ക് പഞ്ചായത്ത് 16-ാം വാര്‍ഡില്‍ കണ്ടനാട് വീട്ടില്‍ ക്ലീറ്റസ് (65) വാഹനാപകടത്തില്‍ മരിച്ചു.
ഇന്നലെ പുലര്‍ച്ചേ അഞ്ചോടെയായിരുന്നു അപകടം.
കൃപാസനത്തിലെ രാത്രി ഡ്യൂട്ടിയിലുണ്ടായിരുന്ന ക്ലീറ്റസ് സമീപത്തെ തട്ടുകടയില്‍ പുലര്‍ച്ചേ കട്ടൻ ചായ കുടിക്കുമ്ബോള്‍ അമിത വേഗത്തില്‍ നിയന്ത്രണം തെറ്റിവന്ന ബൈക്ക് ഇടിക്കുകയായിരുന്നു.
പരിക്കേറ്റ ക്ലീറ്റസിനെ ആലപ്പുഴ ജനറല്‍ ആശുപത്രിയില്‍ എത്തിച്ചെങ്കിലും ജീവൻ രക്ഷിക്കാനായില്ല. ഭാര്യ: ജെസി. മക്കള്‍: ജിജോ, ജീൻസി (ആരോഗ്യ വകുപ്പ്). മരുമക്കള്‍: രജിത, അഭിലാഷ് (മാരാരിക്കുളം തെക്ക് പഞ്ചായത്തംഗം). സംസ്കാരം ഇന്ന് 10 ന് കാട്ടൂര്‍ ക്രിസ്തുരാജാ ദേവാലയത്തില്‍