കോട്ടയം ബസ് നിയന്ത്രണംവിട്ടു കാറിലും ഓട്ടോറിക്ഷയിലും ഇടിച്ചു. ഇന്ന് വൈകുന്നേരം നാലിന് എംസി റോഡില്‍ എസ്‌എച്ച്‌ മൗണ്ട് ജംഗ്ഷനിലാണ് സംഭവം
കോട്ടയം ഏറ്റുമാനൂര്‍ റൂട്ടില്‍ സര്‍വീസ് നടത്തുന്ന സ്വകാര്യ ബസ് നിയന്ത്രണം വിട്ട് ബസിനു മുന്നില്‍ പോയ കാറില്‍ ഇടിക്കുകയായിരുന്നു. തുടര്‍ന്ന് കാര്‍, റോഡരികില്‍ നിര്‍ത്തിയിട്ടിരുന്ന ഓട്ടോറിക്ഷയില്‍ ഇടിച്ചു.
തുടര്‍ന്നു ഓട്ടോറിക്ഷ മുന്നോട്ട് നിങ്ങി റോഡിലെ മൈല്‍ കുറ്റിയില്‍ ഇടിച്ചു നില്‍ക്കുകയായിരുന്നു. കാറിനും ഓട്ടോറിക്ഷയ്ക്കും കേടുപാടുകള്‍ സംഭവിച്ചു. അപകടത്തെ തുടര്‍ന്ന് റോഡില്‍ ഏറെ നേരം ഗതാഗതം തടസപ്പെട്ടു. അപകടത്തില്‍ ആര്‍ക്കും പരിക്കില്ല.