കൊല്ലം കൊട്ടാരക്കര: ബൈക്കും സ്കൂട്ടറും കൂട്ടിയിടിച്ചുണ്ടായ അപകടത്തില്‍ സ്കൂട്ടര്‍ യാത്രികനായ ഗൃഹനാഥൻ മരിച്ചു. ഉമ്മന്നൂര്‍ പനയറ തലേലഴികത്ത് വീട്ടില്‍ നളേന്ദ്രൻ പിള്ള (72)യാണ് മരിച്ചത്.
സംസ്കാരം ഇന്ന് ഒന്നിന് വീട്ടുവളപ്പില്‍.
ഇന്നലെ വൈകുന്നേരം നാലോടെ കൊട്ടാരക്കര - ഓയൂര്‍ റോഡില്‍ നെല്ലിക്കുന്നത്തിനു സമീപമായിരുന്നു അപകടം. ഉടൻ തന്നെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം കൊട്ടാരക്കര താലൂക്കാശുപത്രി മോര്‍ച്ചറിയില്‍. ഭാര്യ: പരേതയായ ദേവകിയമ്മ. മക്കള്‍: രവീന്ദ്രൻ പിള്ള, സജികുമാര്‍, സജിനി. മരുമക്കള്‍: രശ്മി, രമ്യ, സുരേന്ദ്രൻ പിള്ള. സഞ്ചയനം തിങ്കള്‍ എട്ട്.