കോട്ടയം: അയ്മനത്ത് സര്‍വീസ് ബോട്ട് വള്ളത്തില്‍ ഇടിച്ചുണ്ടായ അപകടത്തിൽ ഏഴാം ക്ലാസ് വിദ്യാര്‍ത്ഥിനിയെ കാണാതായി. ഇന്ന് രാവിലെ സ്‌കൂളിലേക്ക് പോകാനായി വള്ളത്തില്‍ കയറിയതായിരുന്നു പെണ്‍കുട്ടി. മണിയാം പറമ്പ് ഭാഗത്തേയ്ക്ക് പോവുകയായിരുന്നു ബോട്ട് കരീമഠത്തുവച്ചാണ് വള്ളത്തില്‍ ഇടിച്ചത്. ഇടിയുടെ ആഘാതത്തില്‍ പെണ്‍കുട്ടി വെള്ളത്തിലേക്ക് തെറിച്ചുവീഴുകയായിരുന്നു. ഫയര്‍ഫോഴ്‌സും നാട്ടുകാരും സംയുക്തമായി ചേർന്ന് വിദ്യാര്‍ത്ഥിനിക്കായി തിരച്ചില്‍ തുടരുകയാണ്.