കോഴിക്കോട്: ബൈക്കുകള് തമ്മില് കൂട്ടിയിടിച്ച് യുവാവ് മരിച്ചു. പരേതനായ മണക്കടവ് തച്ചന്പലത്ത് മനോജിന്റെ മകൻ മിഥുൻ (20) ആണ് മരിച്ചത്.
കഴിഞ്ഞ ദിവസം രാത്രി പന്തീരാങ്കാവ് അത്താണിക്കലിന് സമീപമായിരുന്നു അപകടം. മിഥുൻ സഞ്ചരിച്ച ബൈക്ക് എതിരേ വന്ന ബൈക്കില് ഇടിക്കുകയായിരുന്നു. ഉടൻ കോഴിക്കോട് മെഡിക്കല് കോളജില് എത്തിച്ചെങ്കിലും ജീവൻ രക്ഷിക്കാനായില്ല. സംസ്കാരം നടത്തി.