ദൗസ : ബസ് ടെമ്ബോയില്‍ ഇടിച്ച്‌ 5 പേര്‍ മരിച്ചു. രാജസ്ഥാനിലെ ദൗസ ജില്ലയില്‍ മഹ്‌വ പോലീസ് സ്റ്റേഷൻ പരിധിയിലെ ദേശീയ പാതയില്‍ ഗാസിപൂരിനടുത്ത് 21 മഹ്‌വ-ഹിന്ദൗണ്‍ റോഡിലാണ് സംഭവം. നിര്‍ത്തിയിട്ടിരുന്ന ടെമ്ബോയെ മറികടക്കാൻ ശ്രമിക്കുന്നതിനിടെ സ്റ്റേറ്റ് ട്രാൻസ്പോര്ട്ട് ബസ് അപകടത്തില്‍പ്പെടുകയായിരുന്നു. അപകടത്തില്‍ അഞ്ച് പേര്‍ മരിക്കുകയും ആറ് പേര്‍ക്ക് പരിക്കേല്‍ക്കുകയും ചെയ്‌തു. അപകടത്തില്‍പ്പെട്ടവരില്‍ ഒരാളെ ജയ്‌പൂരിലേക്ക് മാറ്റാനായി നിര്‍ദേശിച്ചു
സ്റ്റേറ്റ് ട്രാൻസ്പോര്ട്ട് ബസ് മഹ്‌വയില്‍ നിന്ന് ഹിന്ദൗണിലേക്ക് പോവുകയായിരുന്നെന്ന് മഹ്‌വ എസ്‌എച്ച്‌ഒ ജിതേന്ദ്ര സോളങ്കി പറഞ്ഞു. അതേ സമയം ഹിന്ദൗണില്‍ നിന്ന് മഹ്‌വ ഭാഗത്തേക്ക് പോവുകയായിരുന്ന ഒരു ടെമ്ബോ റോഡരികില്‍
നില്‍ക്കുന്നുണ്ടായിരുന്നു. മറികടക്കാൻ ശ്രമിക്കുന്നതിനിടെ റോഡരികില്‍ നിര്‍ത്തിയിട്ടിരുന്ന ടെമ്ബോയില്‍ ബസ് ഇടിക്കുകയായിരുന്നുവെന്ന് അദ്ദേഹം പറഞ്ഞു. വാഹനാപകടത്തില്‍ അഞ്ച് പേര്‍ മരിക്കുകയും ആറ് പേര്‍ക്ക് പരിക്കേല്‍ക്കുകയും ചെയ്‌തതായും പരിക്കേറ്റവരില്‍ ഒരാളെ ജയ്‌പൂരിലേക്ക് നിര്‍ദേശിക്കുകയും ചെയ്‌തിട്ടുള്ളതായും അദ്ദേഹം കൂട്ടിചേര്‍ത്തു.
മൂന്ന് കാല്‍നടയാത്രക്കാരും ടെമ്ബോയില്‍ യാത്ര ചെയ്‌തിരുന്ന രണ്ട് പേരും ബസിടിച്ച്‌ മരിച്ചതായാണ് വിവരം. ടെമ്ബോയില്‍ യാത്ര ചെയ്‌തവര്‍ കൈലാദേവി ദര്‍ശനം കഴിഞ്ഞ് മടങ്ങുകയായിരുന്നു. വാഹനാപകടത്തില്‍ അഞ്ച് പേര്‍ മരിച്ച സംഭവത്തില്‍ മുൻ മുഖ്യമന്ത്രി വസുന്ധര രാജെ സോഷ്യല്‍ മീഡിയയിലൂടെ അനുശോചനം രേഖപ്പെടുത്തി (Former Chief Minister Vasundhara Raje expressed his condolences). മരിച്ചവരുടെ ആത്മാക്കള്‍ക്ക് ശാന്തി നല്‍കട്ടെ, പരിക്കേറ്റവര്‍ക്ക് സുഖം പ്രാപിക്കട്ടെ, ദുഃഖിതരായ കുടുംബങ്ങള്‍ക്ക് ശക്തി നല്‍കട്ടെ എന്ന് ദൈവത്തോട് പ്രാര്‍ത്ഥിക്കുന്നു എന്ന് വസുന്ധര രാജെ കുറിച്ചു.