എറണാകുളം കോതമംഗലം: കോതമംഗലത്ത്
മലയിൻകീഴിൽ രണ്ട് വയസുകാരൻ വീടിനോട്
ചേർന്നുള്ള മീൻ കുളത്തിൽ വീണ് മരിച്ചു.
മലയിൻകീഴ് പൊൻവേലിൽ കുര്യാക്കോസ് -
ആശ ദമ്പതികളുടെ മകൻ മാത്യു (രണ്ടു
വയസ്സ്) ആണ് മരിച്ചത്. വീടിന് ചേർന്ന്
പിൻഭാഗത്ത് മീൻ വളക്കാനായി
നിർമ്മിച്ചിരുന്ന ചെറിയ വാട്ടർ ടാങ്കിലാണ് കുട്ടി
വീണത്. ഇന്ന് വൈകുന്നേരം അഞ്ചരയോടെ
വീട്ടിൽ കളിച്ചുകൊണ്ടിരുന്ന കുട്ടിയെ
കാണാതായതിനെതടർന്ന്
തിരക്കുന്നതിനിടയിലാണ് ടാങ്കിൽ വീണ നിലയിൽ കണ്ടത്. ഉടൻ കോതമംഗലത്തെ ആശുപത്രിയിലെത്തിച്ചെങ്കിലും മരണം സ്ഥിരീകരിക്കുകയായിരുന്നു. മൃതദേഹം കോതമംഗലം ധർമ്മ ഗിരി ആശുപത്രി മോർച്ചറിയിലേക്ക് മാറ്റി. സഹോദരങ്ങൾ: അന്ന കുര്യാക്കോസ്, പി.കെ ജോസഫ് (ഇരുവരും ശോഭന സ്കൂൾ വിദ്യാർത്ഥികൾ) പിതാവ് കുര്യാക്കോസ് ഫോട്ടോഗ്രാഫറാണ്