മലപ്പുറം കൊണ്ടോട്ടി :കൊണ്ടോട്ടി എയർപോർട്ട് റോട്ടിൽ. കൊളത്തൂരിന്റെയും കോട്ടപ്പുറത്തിന്റയും ഇടയിൽ നീറ്റാണി ക്രിസ്ത്യൻ പള്ളിക്ക് സമീപം .KSRTC ബസ്സും സ്കൂട്ടറും കൂട്ടി ഇടിച്ച് സ്കൂട്ടർ യാത്രക്കാർ മരണപ്പെട്ടു. പുതുക്കോട് സ്വദേശി നിഹാൽ (19)കൂടെ ഉണ്ടായിരുന്ന സുഹൃത്ത് അംജദ് (19)എന്നിവരാണ് മരണപ്പെട്ടത്.
പാലക്കാട്‌ -കോഴിക്കോട് ദേശീയപാതയിൽ ഇന്ന് വൈകിട്ട് മൂന്നുമണിയോടെയാണ് അപകടമുണ്ടായത്.
കോഴിക്കോട് ഭാഗത്തേയ്ക്ക് പോവുകയായിരുന്ന കെഎസ്ആർടിസി ബസ്സും എതിരെ വന്ന സ്കൂട്ടറും തമ്മിൽ കൂട്ടിയിടിക്കുകയായിരുന്നു.
അപകടത്തെ തുടർന്ന് ഗുരുതരമായി പരുക്കേറ്റ രണ്ടു പേരെയും നാട്ടുകാർ കൊണ്ടോട്ടി ആശുപത്രികളിൽ എത്തിച്ചെങ്കിലും രക്ഷിക്കാനായില്ല.
മരണപ്പെട്ടവരുടെ മൃതദേഹം കൊണ്ടോട്ടിയിലെ രണ്ടു സ്വകാര്യ ആശുപത്രികളിൽ സൂക്ഷിച്ചിരിക്കുന്നത്.
ഇവിടെ നിന്നും മഞ്ചേരി മെഡിക്കൽ കോളേജ് ആശുപത്രിയിലേയ്ക്ക് മാറ്റും.
അപകടത്തിൽ സ്കൂട്ടർ പൂർണ്ണമായും തകർന്നു.കൊണ്ടോട്ടി പൊലീസ് തുടർ നടപടികൾ സ്വീകരിച്ചു.
