ലോറി ഇടിച്ച് പരിക്കേറ്റ് ചികിത്സയിലായിരുന്ന ബൈക്ക് യാത്രികൻ മരിച്ചു

കോഴിക്കോട് നന്മണ്ട:

കോഴിലോറി ഇടിച്ച് പരിക്കേറ്റ് മെഡിക്കൽ കോളേജ് ആശുപത്രിയിൽ ചികിത്സയിലായിരുന്ന യുവാവ് മരിച്ചു. ചേളന്നൂർ 7/6 കരുന്നാളി മീത്തൽ ഇതിഹാസ് മോഹനനാണ് (21) മെഡിക്കൽ കോളേജ് ആശുപത്രിയിൽ വെച്ച് മരിച്ചത്. ഓഗസ്റ്റ് ഒന്നിന് രാവിലെ 9 മണിക്ക് നന്മണ്ട ഹൈസ്കൂൾ ഗ്രൗണ്ടിന് മുമ്പിൽ വെച്ചായിരുന്നു അപകടം. ബാലുശ്ശേരി നിന്നും കോഴിയുമായി വരികയായിരുന്ന ലോറിയാണ് ബൈക്കിൽ സഞ്ചരിക്കുകയായിരുന്നു ഇതിഹാസിനെ ഇടിച്ചു വീഴ്ത്തിയത്.

ലോറിയുടെ ഇടിയിൽ തലയ്ക്കും മുഖത്തും മാരകമായ പരിക്കേറ്റിരുന്നു രക്തത്തിൽ കുളിച്ചു കിടന്ന ഇതിഹാസിനെ നാട്ടുകാരാണ് ആശുപത്രിയിലെത്തിച്ചത്.

ചേളന്നൂരിൽ നിന്നും ബാലുശ്ശേരിയിലേക്ക് പോകുമ്പോയിരുന്നു അപകടം. ഡി.വൈ.എഫ്.ഐ ചേളന്നൂർ 7/6 വെസ്റ്റ് യൂണിറ്റ് കമ്മിറ്റി അംഗമാണ് ഇതിഹാസ് മോഹൻ