തമിഴ്‌നാട്ടില്‍ ചെങ്കല്‍പെട്ടിലെ പോത്തേരിക്ക് സമീപം ദേശീയ പാതയില്‍ ലോറിയും ഇരുചക്രവാഹനങ്ങളും കൂട്ടിയിടിച്ച്‌ അപകടം
തമിഴ്‌നാട് : ചെങ്കല്‍പെട്ടില്‍ നിയന്ത്രണം വിട്ട ലോറി ഇരുചക്രവാഹനങ്ങളില്‍ ഇടിച്ചുകയറി നാല് മരണം. പോത്തേരിക്ക് സമീപം ദേശീയ പാതയില്‍ ഇന്ന് രാവിലെ ഒമ്ബത് മണിയോടെയാണ് അപകടം നടന്നത്. അമിത വേഗതയിലെത്തിയ ലോറി നിയന്ത്രണം നഷ്‌ടപ്പെട്ട് മൂന്ന് ഇരുചക്രവാഹനങ്ങളില്‍ ഇടിക്കുകയായിരുന്നു. അപകടത്തില്‍ ഇരുചക്രവാഹന യാത്രികരായ നാല് പേരാണ് മരണപ്പെട്ടത്.
എല്ലാവരും സംഭവസ്ഥലത്ത് വെച്ച്‌ തന്നെ മരണപ്പെട്ടിരുന്നു. ഗുഡുവഞ്ചേരി ട്രാഫിക് പൊലീസ് സ്ഥലത്തെത്തി മൃതദേഹങ്ങള്‍ പോസ്‌റ്റുമോര്‍ട്ടത്തിനായി ചെങ്കല്‍പെട്ട് സര്‍ക്കാര്‍ ആശുപത്രിയിലേക്ക് മാറ്റി.
മരണപ്പെട്ടവരെ തിരിച്ചറിഞ്ഞിട്ടില്ല.