ദേശീയ പാതയില്‍ ആലംകോട് പുളിമൂട് ജംഗ്ഷനില്‍ കാറും ബൈക്കും കൂട്ടിയിടിച്ച്‌ അപകടം. അപകടത്തില്‍ ബൈക്ക് യാത്രികന് ഗുരുതര പരിക്ക്.തിങ്കളാഴ്ച രാത്രി 9 മണിയോടെയാണ് അപകടം നടന്നത്.
ആറ്റിങ്ങലില്‍ നിന്ന് ആലംകോട് ഭാഗത്തേക്ക്‌ പെരുമാതുറ സ്വദേശികളായ യുവാക്കള്‍ സഞ്ചരിച്ചു വന്ന സ്വിഫ്റ്റ് കാറും എതിര്‍ദിശയില്‍ ചെമ്ബൂര് സ്വദേശി സഞ്ചരിച്ചു വന്ന ബൈക്കുമാണ് അപകടത്തില്‍പെട്ടത്. അപകടത്തില്‍ ബൈക്ക് യാത്രികന്റെ കാലിനു ഗുരുതര പരിക്കേറ്റു. പരിക്കേറ്റയാളെ ഉടൻ ആശുപത്രിയിലേക്ക് കൊണ്ടുപോയി. ഹൈ വേ പോലീസ് സ്ഥലത്തെത്തി സ്ഥിതിഗതികള്‍ നിയന്ത്രിച്ചു.