വിഴിഞ്ഞം തിയറ്റര്‍ ജംഗ്ഷന് സമീപമു ണ്ടായ രണ്ട് വ്യത്യസ്ത വാഹനാപകടങ്ങളില്‍ രണ്ട് സ്ത്രീകള്‍ അടക്കം അഞ്ച് പേര്‍ക്ക് പരിക്കേറ്റു
ഇന്നലെ വൈകുന്നേരം അഞ്ചിന് തിയറ്റര്‍ ജംഗ്ഷഷനില്‍ നിന്ന് ഹാര്‍ബറിലേക്ക് തിരിയുന്ന ഭാഗത്താണ് ആദ്യ അപകടം നടന്നത്.
ഹാര്‍ബറില്‍ നിന്ന് വിഴിഞ്ഞം റോഡിലേക്ക് വരികയായിരുന്ന വാൻ ആഴാകുളം സ്വദേശിനിയായ യുവതി സഞ്ചരിച്ച സ്കൂട്ടറില്‍ തട്ടിയാണ് അപകടം.
അപകടത്തില്‍ സ്കൂട്ടറില്‍ നിന്ന് വീണ യുവതിക്കും പരിക്കേറ്റു. തൊട്ടു പിന്നാലെ ഹാര്‍ബറിലേക്കുള്ള റോഡില്‍ സ്കൂട്ടറും ബൈക്കും കൂട്ടിയിടിച്ചാണ് രണ്ടാമത്തെ അപകടം നടന്നത്.
വീട്ടില്‍ നിന്നും സ്കൂട്ടറില്‍ റോഡിലേക്ക് ഇറങ്ങിയ ദമ്ബതികളുടെ സ്കൂട്ടറില്‍ എതിരെ വന്ന ബൈക്ക് ഇടിക്കുകയായിരുന്നു
അപകടത്തില്‍ സ്കൂട്ടറില്‍ യാത്ര ചെയ്ത വിഴിഞ്ഞം സ്വദേശി സലിമിനും ഭാര്യക്കും ബൈക്കില്‍ സഞ്ചരിച്ച മറ്റ് രണ്ടു പേര്‍ക്കുമാണ് പരിക്കേറ്റത്. പരിക്കേറ്റവരെ വിഴിഞ്ഞം സര്‍ക്കാര്‍ ആശുപത്രിയില്‍ പ്രവേശിപ്പിച്ചു.