അമ്പലപ്പുഴ: ദേശീയപാതയിൽ കാക്കാഴം മേൽപ്പാലത്തിൽ ലോറിയും, കാറും കൂട്ടിയിടിച്ചു. ചൊവ്വ രാത്രി 10-50 ഓടെ ആയിരുന്നു അപകടം. ഹരിപ്പാട് ഭാഗത്തേക്ക് ഗ്യാസ് സിലിണ്ടർ കയറ്റി പോയ ലോറിയും എതിർദിശയിൽ വന്ന കാറും കൂട്ടിയിടിക്കുകയായിരുന്നു.ഇടിയുടെ ആഘാതത്തിൽ കാറിൻ്റെ മുൻഭാഗം പൂർണമായും തകർന്നു. ആർക്കും പരിക്കില്ല. വാഹനങ്ങൾ റോഡിൽ കിടന്നതിനെ തുടർന്ന് ഏറെ നേരം ഗതാഗതം തടസപ്പെട്ടു. അമ്പലപ്പുഴ പൊലീസും ആലപ്പുഴയിൽ നിന്നെത്തിയ അഗ്നി രക്ഷാ സേനയും എത്തി വാഹനങ്ങൾ മാറ്റിയ ശേഷം ഗതാഗതം പുനസ്ഥാപിച്ചു. അര മണിക്കൂറോളം ദേശീയ പാതയിൽ ഗതാഗതം നിലച്ചു.