തൃശ്ശൂർ പട്ടിക്കാട്. ദേശീയപാതയിൽ ആറാംകല്ലിൽ കാറിന് പുറകിൽ ബൈക്ക് ഇടിച്ച് അപകടം. അപകടത്തിൽ ഗുരുതരമായി പരിക്കേറ്റ ബൈക്ക് യാത്രികൻ വട്ടക്കല്ല് സ്വദേശി മാനൂർ വീട്ടിൽ അബിജോയെ തൃശൂരിലെ ആശുപത്രിയിൽ പ്രവേശിപ്പിച്ചു. ഇന്ന് രാവിലെ പത്ത് മണിയോടെയാണ് തൃശൂർ ഭാഗത്തേക്കുള്ള പാതയിലാണ് അപകടം ഉണ്ടായത്. പാലക്കാട് പുത്തൂർ സ്വദേശികൾ സഞ്ചരിച്ചിരുന്ന കാറാണ് അപകടത്തിൽ പെട്ടത്. അപകടത്തിൽ കാറിന്റെ പിറകിലെ ഗ്ലാസ് തകർന്നിട്ടുണ്ട്. ബൈക്കിനും സാരമായ കേടുപാടുകൾ സംഭിവിച്ചു. അപകട കാരണം വ്യക്തമല്ല.
