ആലപ്പുഴയിൽ റെയിൽവേ പാളത്തിലേക്കു വീണ് യുവതി മരിച്ചു. പാലക്കാട് മണ്ണാർക്കാട് പുല്ലശേരി ചെറുങ്ങോട്ടിൽ രാജേഷിന്റെ ഭാര്യ മീനാക്ഷി (45) ആണ് മരിച്ചത്.വ്യാഴാഴ്ച വൈകിട്ടാണ് സംഭവം. എറണാകുളം - കായംകുളം പാസഞ്ചർ ട്രെയിനിയിൽ വന്ന് ഇറങ്ങിയതാണ് യുവതി. കൊച്ചുവേളി എക്സ്പ്രസിൽ ഓടി ക്കയറാൻ ശ്രമിക്കുന്നതിനിടെ ആ ട്രെയിൻ പോയി.തുടർന്ന് എറണാകുളം പാസഞ്ചറിൽ കയറാൻ ശ്രമിക്കുന്നതിനിടെ കാൽവഴുതി പാളത്തിലേക്കു വീഴുകയായിരുന്നു തലയ്ക്കും ഇടതു കാലിനും പരിക്കേറ്റ യുവതിയെ ഉടൻതന്നെ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രാത്രിയോടെ മരണം സംഭവിച്ചു. തലയ്കേറ്റ ക്ഷതമാണ് മരണ കാരണമെന്ന് പ്രാഥമിക നിഗമനം.