തൃശ്ശൂർ ദേശീയപാതയിൽ കയ്പമംഗലം ബോർഡ് സെന്ററിലാണ് അപകടമുണ്ടായത്. റോഡിന് കിഴക്ക് വശത്തെ ഹോട്ടലിൽ നിന്നും ദേശീയപാതയിലെക്ക് കയറവെയാണ് നിയന്ത്രണം തെറ്റിയത്. നിർത്തിയിട്ടിരുന്ന ഓട്ടോയിലിടിച്ച് കാർ ദേശീയ പാത ക്രോസ് ചെയ്ത് പടിഞ്ഞാറ് ഭാഗത്തേക്ക് പാഞ്ഞുവന്ന് പുതുതായി പണിത ഡിവൈഡറിൽ ഇടിച്ചു കയറുകയായിരുന്നു. വലപ്പാട് സ്വദേശികളായ ദമ്പതികളാണ് കാറിലുണ്ടായിരുന്നത്. ആർക്കും പരിക്കില്ല. ഇന്ന് വൈകീട്ട് അഞ്ചരയോടെയായിരുന്നു അപകടം