കാസർകോട് ചിറ്റാരിക്കല്‍: ഈസ്റ്റ് എളേരി പഞ്ചായത് കമ്ബല്ലൂരില്‍ സംഘടിപ്പിച്ച മഴപ്പൊലിമ ഘോഷയാത്രക്കിടയിലേക്ക് ബൈക് പാഞ്ഞു കയറി ആറ് പേര്‍ക്ക് പരുക്കേറ്റു.
ഒരാളുടെ നില ഗുരുതരമാണ്. ശനിയാഴ്ച രാവിലെ 10 മണിയോടെയാണ് സംഭവം. കമ്ബല്ലൂര്‍ ഭഗവതി ക്ഷേത്രത്തിന് സമീപം വെച്ച്‌ കടുമേനി ഭാഗത്ത് നിന്നും ഓടിച്ചു വന്ന ബൈക് ഘോഷയാത്രക്കിടയിലേക്ക് പാഞ്ഞുകയറുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.
ഗുരുതരമായിപരുക്കേറ്റ ഒരാളെ പരിയാരത്തെ കണ്ണൂര്‍ മെഡികല്‍ കോളജ് ആശുപത്രിയില്‍ പ്രവേശിപ്പിച്ചു. പരുക്കേറ്റ മറ്റുള്ളവരെ ചെറുപുഴയിലെ ആശുപത്രിയിലും പ്രവേശിപ്പിച്ചിരിക്കുകയാണ്.