മൂവാറ്റുപുഴ: പണ്ടപ്പിള്ളിയിൽ ഓട്ടോറിക്ഷയും കാറും കൂട്ടിയിച്ച് ഒരാൾക്ക് ഗുരുതര പരിക്ക്. ഇന്ന് ഉച്ചയ്ക്ക് 2ഓടെ പണ്ടപ്പിള്ളി-തൊടുപുഴ റോഡിൽ അംഗൻവാടിയ്ക്ക് മുന്നിലാണ് അപകടമുണ്ടായത്. അപകടത്തിൽ ഓട്ടോറിക്ഷാ ഡ്രൈവർ പണ്ടപ്പിള്ളി എടമനമ്യാലിൽ ജോണിയ്ക്കാണ് പരിക്കേറ്റത്. പണ്ടപ്പിള്ളിയിൽ നിന്ന് അംഗൻവാടിയിലെ കുട്ടികളെ കയറ്റുന്നതിനായി വന്ന ഓട്ടോറിക്ഷയിൽ എതിർദിശയിൽ വന്ന കാർ ഇടിയ്ക്കുകായിരുന്നു. അപകടത്തിൽ പരിക്കേറ്റ ഓട്ടോറിക്ഷ ഡ്രൈവർ ജോണിയെ കൂത്താട്ടുകുളത്തെ സ്വകാര്യ ആശുപത്രിയിൽ പ്രവേശിപ്പിച്ചു. കടുത്തുരുത്തി സ്വദേശികളായ പനങ്കാട് ശരത്ത് പി. എസും സുഹൃത്തുക്കളായ രണ്ട്പേരും സഞ്ചരിച്ച കാറാണ് അപകടത്തിൽപെട്ടത്. കാർ യാത്രികർ പരിക്കുകളേൽക്കാതെ രക്ഷപെട്ടു.