തൃശ്ശൂർ കണ്ണാറ. പീച്ചി ഡാം റോഡിൽ കമ്പനിപ്പടിയിൽ നിയന്ത്രണം വിട്ട കാർ അപകടത്തിൽപ്പെട്ട് ഒരാൾക്ക് പരിക്കേറ്റു. കുഴുപ്പിൽ ബസ് ഉടമ ജോസിനാണ് പരിക്കേറ്റത്. സാരമായി പരിക്കേറ്റ ജോസിനെ തൃശൂർ ദയ ആശുപത്രിയിൽ പ്രവേശിപ്പിച്ചു. ഇന്ന് രാത്രി 8:45 ഓടെയാണ് അപകടം ഉണ്ടായത്. പീച്ചി ഭാഗത്തേക്ക് പോയിരുന്ന കാർ നിയന്ത്രണം വിട്ട് കമ്പനിപ്പടിക്ക് സമീപം ഇലക്ട്രിക് പോസ്റ്റിൽ ഇടിച്ചു കയറുകയായിരുന്നു. ഇടിയുടെ ആഘാതത്തിൽ കാറിന്റെ മുൻഭാഗം പൂർണ്ണമായും തകർന്നു.
