രുദ്രപ്രയാഗ്: ഉത്തരാഖണ്ഡില്‍ മണ്ണിടിച്ചിലില്‍ കാറിന് മുകളിലേക്ക് മണ്ണിടിഞ്ഞുവീണ് അഞ്ച് കേദാര്‍നാഥ് തീര്‍ഥാടകര്‍ മരിച്ചു.
രുദ്രപ്രയാഗ് ജില്ലയില്‍ വ്യാഴാഴ്ച വൈകുന്നേരമാണ് അപകടമുണ്ടായത്.ഗുജറാത്തില്‍ നിന്നുള്ള ജിഗാര്‍ ആര്‍. മോദി, മഹേഷ് ദേശായി, പാരിഖ് ദിവ്യാന്‍ഷ്, ഹരിദ്വാര്‍ സ്വദേശികളായ മിന്റു കുമാര്‍, മനീഷ് കുമാര്‍ എന്നിവരാണ് മരിച്ചത്. ഗുപ്താഷി ഗൗരികുണ്ഡ് ഹൈവേയില്‍ ഫാട്ടയ്ക്കും സോനപ്രയാഗിനും ഇടയില്‍ വെച്ചായിരുന്നു അപകടം. ഉത്തരാഖണ്ഡില്‍ കുറച്ച്‌ ദിവസങ്ങളായി കനത്ത മഴയാണ് പെയ്യുന്നത്. പാറക്കല്ലുകള്‍ ഉള്‍പ്പെടെയുള്ളവ തീര്‍ഥാടകര്‍ സഞ്ചരിച്ച കാറിനു മുകളിലേക്ക് ഇടിഞ്ഞു വീഴുകയായിരുന്നു. ഇതിന് പുറമെ കനത്ത മഴയെ തുടര്‍ന്ന് പ്രദേശത്തെ റോഡും ഒലിച്ചുപോയി.മഴയെ തുടര്‍ന്ന് കേന്ദ്ര കാലാവസ്ഥാ കേന്ദ്രം അടുത്ത ദിവസങ്ങളില്‍ റെഡ് അലര്‍ട്ട് ഉള്‍പ്പെടെയുള്ള മുന്നറിയിപ്പ് നല്‍കിയിട്ടുണ്ട്.