തിരുവനന്തപുരം കല്ലമ്ബലം: ദേശീയപാതയില്‍ കല്ലമ്ബലം വെയിലൂരിന് സമീപം നിയന്ത്രണം വിട്ട പെട്ടിഓട്ടോ മണ്‍തിട്ടയിലിടിച്ച്‌ മറിഞ്ഞ് മൂന്ന് പേര്‍ക്ക് പരിക്ക്.പെട്ടി ഒട്ടോയിലുണ്ടായിരുന്ന പലവക്കോട് ഇടപ്പണയില്‍ വീട്ടില്‍ നൗഷാദ്,ഭാര്യ റസീന,കാല്‍നടയാത്രികനായ കല്ലറ സ്വദേശി ശ്രീകുമാര്‍ എന്നിവര്‍ക്കാണ് പരിക്കേറ്റത്.ഇന്നലെ രാവിലെ 10.30ഓടെയായിരുന്നു അപകടം.
കല്ലമ്ബലം ഭാഗത്തേയ്ക്ക്‌ പോവുകയായിരുന്ന സ്വകാര്യ ബസ് പെട്ടെന്ന് ബ്രേക്ക് ചെയ്തപ്പോള്‍ അതിലിടിക്കാതിരിക്കാൻ പെട്ടി ഓട്ടോ ഇടത്‌ വശത്തേയ്ക്ക് വെട്ടിച്ചപ്പോഴാണ് നിയന്ത്രണം വിട്ട് മണ്‍തിട്ടയിലിടിച്ച്‌ കയറിയത്. ബസിറങ്ങി റോഡിലൂടെ നടന്നുപോവുകയായിരുന്ന ശ്രീകുമാറിനെയും ഓട്ടോ തട്ടി തെറിപ്പിച്ചു.പരിക്കേറ്റ മൂവരെയും ആംബുലൻസില്‍ പാരിപ്പള്ളി മെഡിക്കല്‍കോളേജ് അശുപത്രിയില്‍ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.