കോട്ടയം: എരുമേലി ഉറുമ്പിൽ പാലത്തിന് സമീപം സാമ്പത്തിക വിഷയത്തെത്തുടർന്നുണ്ടായ തർക്കത്തിൽ യുവാവിന് ദാരുണാന്ത്യം. തുമരംപാറ സ്വദേശി മല്ലപ്പള്ളി വീട്ടിൽ ബിബിൻ (19) ആണ് മരിച്ചത്. ചൊവ്വാഴ്ച വൈകിട്ട് ആറുമണിയോടെ ആയിരുന്നു സംഭവം . സാമ്പത്തിക വിഷയത്തെ ചൊല്ലിയുണ്ടായ തർക്കത്തിനിടയിൽ ഉന്തും തള്ളുമുണ്ടായി. ബിബിനെ സുഹൃത്തായ കൊല്ലംപറമ്പിൽ വിഷ്ണു പിടിച്ചു തള്ളുകയായിരുന്നുവെന്ന് നാട്ടുകാർ പറയുന്നു. റോഡിലേക്ക് വീണ ബിബിന്റെ ദേഹത്തു കൂടി പിക്കപ്പ് വാൻ കയറി ഇറങ്ങുകയായിരുന്നു.