തൃശ്ശൂർ ഒല്ലൂർ മരത്താക്കര കുഞ്ഞനംപാറയില്‍ നിറുത്തിയിട്ട ട്രെയിലറിനു പിന്നില്‍ ലോറി ഇടിച്ച്‌ ലോറി ഡ്രൈവര്‍ മരിച്ചു.
മേട്ടുപാളയം കാട്ടുര്‍ നാടാര്‍ കോളനിയില്‍ അസുറുദീന്‍ (26) ആണ് മരിച്ചത്.
ഇന്നലെ പുലര്‍ച്ചെയായിരുന്നു. അപകടം. പാലക്കാട് ഭാഗത്ത് നിന്ന് എറണാകുളം ഭാഗത്തേക്ക് പോയിരുന്ന ട്രെയിലര്‍ സിഗ്നലില്‍ നിറുത്തി ഇട്ട സമയത്ത് മറ്റാെരു ലോറി പിറകില്‍ ഇടിക്കുകയായിരുന്നു. ലോറിയുടെ കാബിനില്‍ കുടുങ്ങിയ ഡ്രൈവറെ പുറത്തടുത്ത് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ട്രെയിലര്‍ ലോറി ഡ്രൈവറെ പോലീസ് കസ്റ്റഡിയിലെടുത്തു.