പട്ടിക്കാട്. ദേശീയപാത ചുവന്നമണ്ണിൽ കാറിടിച്ച് വയോധികൻ മരിച്ചു. പൂവൻചിറ പൂന്തുരുത്തി വീട്ടിൽ ശ്രീധരൻ (83) ആണ് മരിച്ചത്. ഇന്ന് രാവിലെ 9 മണിയോടെ തൃശൂർ ഭാഗത്തേക്കുള്ള പാതയിൽ ധർമ്മോദയം ആശുപത്രിക്ക് മുന്നിലാണ് അപകടം ഉണ്ടായത്. ദേശീയപാത മുറിച്ച് കടക്കുകയായിരുന്ന ശ്രീധരനെ പാലക്കാട് ഭാഗത്ത് നിന്നും വന്ന കാർ ഇടിക്കുകയായിരുന്നു. അപകടത്തിൽ ഗുരതരമായി പരിക്കേറ്റ ശ്രീധരനെ തൃശൂർ ജില്ലാ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. സംസ്കാരം പിന്നീട്. ഭാര്യ: ലീല. മക്കൾ: ഉഷ, ഷൈജ പരേതനായ ഷാജി, സ്വപ്ന, സജീവൻ,
