അങ്കമാലിയില്‍ സ്വകാര്യ ബസും ടിപ്പറും കൂട്ടിയിടിച്ചു; 15 പേര്‍ക്ക് പരിക്ക്

അങ്കമാലി/കറുകുറ്റി> കറുകുറ്റി പാലിശ്ശേരി റോഡില്‍ സ്വകാര്യ ബസും ടിപ്പറും കൂട്ടിയിടിച്ച്‌ 15 പേര്‍ക്ക് പരിക്ക്.

കറുകുറ്റി മരങ്ങാടം ഭാഗത്തുനിന്നും അങ്കമാലിയിലേക്ക് വരികയായിരുന്ന സ്വകാര്യ ബസും എതിര്‍ ദിശയില്‍ വരികയായിരുന്ന ടിപ്പര്‍ ലോറിയും കൂട്ടിയിടിച്ചാണ് അപകടമുണ്ടായത്. ചൊവ്വ രാവിലെ 6.40 ഓടെയായിരുന്നു സംഭവം. 

അപകടത്തില്‍ പരിക്കേറ്റവരെ സമീപത്തെ സ്വകാര്യ ആശുപത്രിയില്‍ പ്രവേശിപ്പിച്ചു. അപകടം കേട്ടറിഞ്ഞ നാട്ടുകാരും അങ്കമാലി പൊലീസ്, ഫയര്‍ഫോഴ്സ് എന്നിവരുടെ നേതൃത്വത്തിലായിരുന്നു രക്ഷാപ്രവര്‍ത്തനം. ആരുടെയും പരിക്ക് ഗുരുതരമല്ല.